Dankie Juffrou Karin vir alles wat jy vir Koninkje gedoen het. Jy was fantasties, en het defnitief meer gedoen as wat van jou verwag word vir hom.
So, soms hoor ek nogal die woorde: Maar by Juffrou Karin se skool.... Dan moet ek maar weet ons moet 'n aanpassing maak. Of sterk staan. Soos in die volgende:
DAE VAN DIE WEEK
Om tydsbesef by kinders aan te help is nogal 'n groot ding. "Oorgister" - a la Koninkje - en oormore is word nou net-net 'n werklikheid. Een ding wat help is om 'n week uit te beeld vir die kinders.
Die idee het ek van die skool af gekry maar toe ons begin homeschool het ek besluit om ons eie vorms en kleure by die dae te gebruik. Koninkje het saam met my gekies watter moet by watter dag kom. Ek wou hê hy moes dit sy eie maak en trots daarop voel.Nog 'n rede was dat by die skool die week op 'n Maandag begin het en dat Sondag aangedui is deur 'n swart kruis. My probleem daarmee is dat as Chriten ek glo dat Sondag die eerste dag van die week is en dus ook so aan 'n kind geleer moet word. En ek sou nie graag 'n SWART kruis wou gebruik vir Sondag nie. Sondag is 'n feestelike dag en ek wou dit so aandui.
Dit het baie goed gegaan met die stelsel totdat ek in die hospitaal beland het. Koninkje het deurmekaar geraak en het die dae rond en bond aangedui. Sien, hy het die dae van die week onthou wat hy eerste geleer het, maar die kleure was nou nie meer waar hy dit onthou het nie.
Ek het besluit om maar terug te val op die skool se dae van die week, maar ons begin nou op 'n Sondag. Dit sal die kinders maar net moet leer. Juffrou Karin is gebel en gevra watter dag is watter kleur en vorm en nou lyk dit so:
Sondag Swart-op-wit KruisMaandag Blou Diamand
Dinsdag Rooi Sirkel
Woensdag Oranje Vierkant
Donderdag Geel Ovaal
Vrydag Groen Driehoek
Saterdag Pienk Reghoek
Op Vrydae sal ons dan maar sy groen skoolhempie weer aantrek omdat dit 'n groen dag is en Saterdag is 'n PIENK dag dan gaan ons nie skool toe nie.
Ek het die pyltjie geteken en Koninkje het dit ingekleur, daarna het ons dit uitgesny en met breë sellotape oorgeplak sodat dit nie skeur nie.
AV,
ReplyDeleteOns het 'n redelik vaste huis roetine - in die vorm van ons bediende. Maandag was sy, Dinsdag stryk sy, Woensdag werk sy in die tuin. Donderdag stofsuig sy die huis en gaan ons dorp toe, Vrydag suig sy weer die huis en Saterdag is, wel, Saterdag. So het ons vir elke dag 'n prentjie geteken wat tipeer wat daardie dag gebeur, en die kinders het dit ook so leer ken.
Maar, ja, die kinders wat eers in die skool was, het nogal die manier om te sê: Maar Juffrou Petro (in my geval) het so en so gemaak... Vat maar 'n rukkie om verby te gaan.
Ja ek hou nogal van die prentjie idee. Wat van takies wat hy daai dag moet doen, byv drommetjies bymekaar maak vir asblik dag op dag x? Ek het ook lank terug 'n idee gesien van wasgoedpennetjies, 1 wat bo die huidige dag se naam vasgeknyp word en 1 op gister en 1 op more. As hulle nog nie kan lees nie kan jy dalk gister, vandag en more se pennetjies vervang met gekleurde pennetjies (byv vandag is altyd geel, gister rooi en more blou)? Iemand se opkomende verjaardag kan met 'n goue pennetjie gewys word - ai hoe sal die opwinding nie opbou tot daai dag toe nie!
ReplyDeleteTyd-konsep het ek agtergekom neem tyd en ons korrigeer maar net altyd, tot eendag wanneer hulle klaarblyklik oornag dit net kliek! My een seun het dit eers net na 6j 100% weergegee (hy het geweet wat gister was, maar het dit altyd more genoem).
Hoop jy kan 'n idee gebruik!
Jy kan dan ook later maand en datum bybring by elke dag met die pennetjie-manier. Ek sal kyk of ek die webblad kry met die voorbeeld en dit vir kou aanstuur.
ReplyDelete