Tuisonderrig werkswinkel

Saterdag het ons die werkswinkel van Pestalozzi Trust bygewoon. Dit was baie insiggewend en ek sal so iets aanraai aan almal wat dit kan doen. Veral in die begin om jou te help om besluite te neem. Dit was veral vir my man 'n goeie ding aangesien hy nog nie so oortuig is van home schooling nie. Hier is Leendert van Oostrum besig om ons 'n paar skokkende dinge oor 'n skoolhandboek te vertel.
Wat vir my van belang was is dat

• Ons kinders 16 loopbaan veranderings gaan maak (nie werksveranderings nie)
• Inligting teen 'n spoed verouder
• Ons kinders moet weet waar om geldige, betroubare, relevante inligting te bekom

Daar is 'n verskil tussen opleiding en opvoeding.

Opleiding is waar mens van buite af kyk. Soek 'n leemte in die mark, ondersoek dit, skryf opleidingsmateriaal /kurrikulum, lei opleiers op, leer dit aan studente.

Opvoeding is die teenoorgestelde. Mens kyk nie na die omgewing maar na die student. In ons geval na jou eie kind. Kyk na sy talente, gawes, persoonlikheid, potensiaal. Dan ontwikkel mens die kind maksimaal. So 'n persoon kan homself help in 'n veranderende wereld.

Die persoon wat so opgevoed is, lei homself op. Hy kan sy eie beroep skep.

Leendert het daarna gesê dat as jy nie opvoeding en opleiding aan jou kind kan gee nie, gee hom dan die opvoeding en los die opleiding vir hom.

So tussendeur het Koninkje die kamera beet gekry en 'n paar fotos geneem - nee, eintlik baie, maar net 'n paar is bruikbaar.

Die werkswinkel deur die oë van 'n tuisskool kind.

Die ete

Boetie Huffet

'n Interessante vorm...

...en wat dit eintlik was

My klein voetjies van hier bo af

Daar is ook gepraat oor die wetlike aspekte van tuisonderrig/home schooling. Oor die Grondwet, die skole wet, beleid, prosedures en praktyk.

Een ding het sterk uit gekom. Ons het regte, ons kinders het regte. En ons moet dit self beskerm. Net jyself kan dit beskerm, deur dit uit te oefen. Indien nie, verloor mens die reg.

Niks kom in werking as mens dit nie self in werking stel nie.

Ons het die reg op tuisonderrig. Ons moet dit self uit oefen.

Oor dit wat ek prakties vir ons geleer het sal ek volgende keer skryf.